ผู้บ่าวอินดี้ ยาหยีอินเตอร์
ตอนที่ 9
“จ้า...ซำนี่กะต้องฮ้าย ระวังเด้ออ้าย ไล่ตะเพิดข้อยไปแล้วสิเสียโอกาสขอแต่งงานคุณชิโลอีกเถื่อเด้อ...ไปเถาะเอื้อยทิพย์ อ้ายคงบ่อยากให้เฮาซอยดอก”
“เดี๋ยวๆๆ อีหล่า...ที่เว้ามาหมายความว่าจังได๋”
อีหล่าลอยหน้าลอยตากวนๆถ่วงเวลาไม่บอก เลยโดนพี่ชายเขกหัวไปหนึ่งโป๊ก เร่งให้พูดมาเร็วๆ
“อู้ย...อ้ายพล นี่หัวน้องสาวเด้อ บ่แม่นกะโหลกกะลา”
“เอาล่ะๆอ้าย เดี๋ยวข้อยเว้าให้ฟังเอง บ่ต้องไปแกล้งอีหล่าแล้ว” ทิพย์
“เว้ามาตั้งแต่เถื่อแรกก็จบเฮื่อง เว้ามาโลด อ้ายสิมีโอกาสขอคุณชิโลแต่งงานได้จังได๋”
ทิพย์กับอีหล่ายิ้มเจ้าเล่ห์น่ารัก เล่าแผนการอันแยบยลเพื่อให้ทศพลได้มีโอกาสขอชโลธรแต่งงาน แล้วหลังจากนั้นสองคนก็ทำทีมาคุยกับชโลธรต่อหน้าป้านวลที่นั่งอยู่ในบ้านด้วย
“ไปเที่ยวในเมืองหนองคายเหรอ”
“แม่นแล้วจ้าคุณชิโล อ้ายพลก็เห็นนำข้อยคือกัน อีกบ่จักมื้อก็ฮอดมื้อต้องเลือกตั้งแล้ว เฮาควรไปไหว้หลวงพ่อพระใส ขอพรเอาฤกษ์เอาชัยให้ชนะการเลือกตั้ง”
“ที่ผ่านมาเกิดแต่เฮื่องบ่ดีกับอ้ายพล เสี่ยงตายก็หลายเถื่อ คั่นได้ไปขอพรให้หลวงพ่อให้ซอยปกป้องคุ้มครอง อ้ายพลสิได้แคล้วคลาดอันตรายเด้อ”
“ป้าว่าก็ดีเหมือนกันนะคุณหนู ตั้งแต่คุณหนูมาที่นี่ยังไม่ได้ไปไหว้หลวงพ่อท่านเลย”
“แม่นจ้า ไหว้หลวงพ่อแล้วสิได้ให้อ้ายพลพาคุณชิโลไปเบิ่งบั้งไฟพญานาคนำ คุณชิโลเคยเบิ่งบ่”
“เคยแต่ได้ยิน แต่ไม่เคยเห็นกับตาตัวเองหรอก”
“โอ้ย...จังซั่นก็ห้ามพลาดเด็ดขาด เบิ่งแล้วสิได้บุญหลาย แฮงอธิษฐานไปนำ ตอนเบิ่งอยากได้อีหยัง พญานาคสิดลบันดาลให้ได้สมใจ”
“อีหลีติอีหล่า เอื้อยบ่เคยฮู้เลย” ทิพย์แกล้งไม่รู้เพื่อให้อีหล่าเล่ายาวไป
“อีหลีเอื้อย อีพ่อเล่าให้ฟังว่าสมัยหนุ่มอยากแต่งงานกับอีแม่หลาย แต่อีแม่บ่ยอมใจอ่อน อีพ่อก็เลยพาอีแม่ไปเบิ่งบั้งไฟพญานาค แล้วก็ขอพรให้ได้อีแม่เป็นเมียไวๆ”
“แล้วจากนั้นเกิดอีหยังขึ้นล่ะ”
“ยังถามอีกเนาะ หลังจากมื้อนั่นเก้าเดือนเป๊ะ อ้ายพลก็ร้องอุแว้ๆจังได๋ล่ะ”
“อ๋อ จังซี้นี่เอง ศักดิ์สิทธิ์หลายจังซี้ มื้ออื่นไปหนองคายกันนะคะคุณชิโล”
ชโลธรยังไม่ทันจะตอบ ระหว่างนั้นเสียงมอเตอร์ไซค์ของป่องดังเข้ามา ทุกคนมองไปเห็นป่องจอดรถแล้วเดินไม่พูดไม่จาผ่านไปด้วยสีหน้าไม่สู้ดีนัก
ooooooo
