ผู้บ่าวอินดี้ ยาหยีอินเตอร์

ชาวบ้านหลายคนกำลังจับกลุ่มวิพากษ์วิจารณ์เรื่องทศพลรอดตาย เซียงมีความคิดบางอย่างจึงพาแสวงมายืนหลบมุมอยู่ห่างๆ

“พาข้อยมาเฮ็ดหยังหม่องนี่วะบักเซียง ข้อยสิไปเยี่ยมบักพล”

“บ่ต้องไปดอก บักพลมีเมียเบิ่งแยงอยู่แล้ว เจ้ามาซอยข้อยเปลี่ยนวิกฤติเป็นโอกาสดีกว่า”

“เปลี่ยนวิกฤติเป็นโอกาส เจ้าหมายความว่าจังได๋ ข้อยบ่เข้าใจ”

“สมองเจ้านี่มีแต่ขี้เลื่อยล่ะติ เบิ่งพู้น...ซาวบ้านซุมนั่นกำลังจับกลุ่มเว้ากันเฮื่องที่บักพลรอดตายมาได้ บ้างก็ว่าบักพลมีของดี ผีป่าถึงบ่เอาโตไปอยู่นำ บ้างก็ว่าบักพลมีวิซาดีที่สืบทอดมาจากตระกูลนายฮ้อย บ้างก็ว่าบักพลเป็นคนดีตกน้ำบ่ไหลตกไฟบ่ไหม้ จังได้แคล้วคลาดมาอย่างปาฏิหาริย์จังซี้”

“ฟังแล้วก็บ่เข้าใจเด้”

เซียงระอากับสมองขี้เลื่อยของแสวงเลยเขกหัวไปทีก่อนจะขยายความต่อ

“ต้องเคาะกะโหลกเด้จังสิเข้าใจ นี่แหละคือการเปลี่ยนวิกฤติให้เป็นโอกาส คั่นเฮาไปซอยกันปั่นหัวให้ซาวบ้านเซื่อว่าบักพลเป็นคนดี ยอมแลกซีวิตเจ้าของเพื่อปกป้องหมู่บ้าน แม้แต่ผีป่าก็ยังต้องส่งกลับมาให้เบิ่งแยงพี่น้อง”

“อ๋อ...ป๊าดดดดดด!!! เจ้านี่มันฉลาดแท้ สมแล้วที่เป็นผูซอยผู้ใหญ่บ้านมาเทิ้งซีวิต ในเมื่อบักคมแอบอ้างโตว่าเป็นฮีโร่ได้ แล้วเป็นหยังเฮาสิซอยกันสร้างให้บักพลเป็นฮีโร่แข่งกับเพิ่นบ่ได้”

“แม่น...จังซี้คะแนนเสียงที่ตามหลังห่างพ่อใหญ่คมอยู่หลาย ก็ต้องย้อนกลับมาเพิ่มให้บักพลได้”

“ได้แนนอน เฮื่องสร้างสะตอรี่ม่วนคักๆ เดี๋ยวข้อยจัดให้เอง”

แสวงเสนอตัวแล้วเดินมาดมั่นไปทางกลุ่มชาวบ้าน ...ส่วนที่โรงสีของพ่อใหญ่คม จกกับเข้มกำลังเพ่งมองแบบแปลนที่พ่อใหญ่คมเอามากางบนโต๊ะด้วยสีหน้าทึ่งจัด

“คือใหญ่หลายแท้พ่อใหญ่ คือสิใช้เงินลงทุนหลาย”

“ก็หลายอยู่ แต่เพื่อการลงทุนที่คุ้มค่าต่อไปในอนาคต โรงสีใหม่ที่ข้อยสิสร้างบนพื้นที่โคกอีเกิ้งไว้เป็นฉากบังหน้าโรงงานผลิตยาเสพติดของข้อย สิเฮ็ดกำไรคืนให้หลายเท่ากว่า”

“สุดยอดไปเลยพ่อใหญ่ บ่มีบักพลมาเป็นก้างขวางคอแล้ว พ่อใหญ่อยากสิเฮ็ดจังได๋ก็ทางโล่งโลด”

จกกับเข้มยกยอปอปั้นเจ้านายของตนกันใหญ่ แต่ระหว่างนั้นจำปูนกับจำปีส่งเสียงดังแหวกอากาศเข้ามาอย่างตื่นเต้นดีใจ

“อีพ่อๆ ข้อยดีใจหลาย”

สองพี่น้องไม่พูดเปล่า แต่เต้นแร้งเต้นกาโวยวายร้องกรี๊ดอย่างกับทีมฟุตบอลที่ตัวเองชอบได้แชมป์จนเสียงดังไปทั่วโรงสี